Hello~/
以藍色為主題嘅畫介面，畫嘅中間有一橦極具
希臘色彩嘅神殿，並且播住悠揚嘅樂曲。略等一下
，畫面中央出現一個登入介面，係我眼中，佢總會
若暗若明，似要催促我加快打帳號嘅手指，催促我
盡快完成手上嘅任務，催促我找緊時間趕上大伙。
選擇人物後，總會先聽到活潑嘅背景樂曲﹑凌亂
嘅步伐聲，以及使用技能嘅效果聲，然後先能夠從
黑幕中解放，目到呢個【世界】主城-尼亞皇城嘅繁
榮盛況。
以上就係我腦海中，星夢為我留下嘅最深刻印象。
起初因為朋友介紹而踏入呢個嘅夢，但未有幾耐，
年幼嘅我就已經沉醉左係呢個夢幻國度中。
我第一個職業係聖靈使，一個毫冇攻擊力可言嘅職
業。而選擇佢嘅原因，依加已經十分朦糊，或許只係
跟隨友人嘅選擇，亦或許係出自小時嘅善良。
經過一年多努力，好唔容易由初心者升到54lv，但
後來習慣獨行嘅我發現，以聖靈使尼講，實在難以再提
升。因為隨住回復能力日漸普及化，聖靈能力已經唔再
獨特。故此決定展開魔導使嘅新一章節。
可惜，抱住魔導擁有強力"爆擊"呢個優勢，去到72lv
就完結，再因為獅翼﹑龍頭﹑兔紋等"破壞性"道具出現，
職業﹑等級﹑甚至努力都唔再重要。
然後，心灰已冷嘅我，就咁離開左小時嘅夢幻國度。
但依加回頭一望，事實上星夢唔單止提供左一個玩樂嘅
園地比小時嘅我。因為需要溝通，我不知不覺學識打字，因
為需要金錢，我體會到咩叫節衣縮食，因為有交易，我第一
次嘗試到受騙嘅不憤。
以上全都係我通過呢個夢時，所領略﹑所明白﹑所體會到嘅
事情。儘管只係一個遊戲，但所學到嘅確鑿存於心中。
最後嘅最後~
容我在此對你說聲再見。до свидания，我兒時嘅夢夢幻國度! |
發表於 12-8-2012 00:49:41
收藏
轉播
分享
淘帖
支持
反對
變色卡
發表於 12-8-2012 13:59:37
樓主